El sombra del tiempo
(Poesía en chabacano de Cavite)
Flora del Rosario
En medio del ruido de alegria
en el vispera del año nuevo,
ta recorda nisos el mga
memorable acontecimiento
del pasado.
Siempre no puede nisos
olvida el que ya dale
inspiracion y entusiasmo na niso vida.
Si hay celebracion o reunion,
todo ta goza cada momento -
bailando cantando y comiendo junto.
Mas mucho son amable y amistoso.
Ahora, solo su dulce memoria
ta exesti na niso mente y corazon. .
Es verdaderamente inolvidable,
reminisciendo de vez en cuando-
mga momento que nunca de volvi mas.