Navigation
Revista Filipina
Segunda Etapa. Revista semestral de lengua y literatura hispanofilipina.
Invierno 2019, volumen 6, n
úmero 2

BIBLIOTECA Y ACTUALIDAD
RETRATO MILAGROSA
Poema en chabacano caviteño

WILFREDO B. PANGILINAN



Nuestra Sra. Soledad de Porta Vaga
Patrona del Ciudad de Cavite



Ya llega na medio del Mar
Cogi del marijada na Playa
Del Nuevo descubri Pueblo Caviteño
Un sentinel ta guardia de aquel tarde dia
Na Norte parte del ta llama Puerto.

Sentinela ya baja na playa del Canacao
Ya vista un tela dublao na agua
Ya cogi, abri, y pareci
El tu retrato Virgen de la Soledad.

Abrazao y ya retira na su casa
Alumbrao y ta reza oracion todo’l dia
Tu ya dale mira cun el sentinel
Para recorda na tu es Maria
El luz del dia.

Perdona mi Senyora
Madre de mi Corazon
Simple ta haci mi obligacion.

Ya puedi sabe cosa ya pasa aquel dia
Retrato ya dale mira na todo gentes Caviteño
Para dale hominaje hasta eternidad.
O’ Virgen de la Soledad tu es hincao
No lang ayer y hasta ahora

Na enfrente del Padre Poderoso
Ta pidi piedad para na Pueblo elegi
Por caso nisos tu mga hijos
Contigo di ama todo dia y hasta fin del vida.


Wilfredo B. Pangilinan
Septiembre 18, 2019